Bhaag Dulhan Bhaag

Uttar Pradesh ke Meerut mein hua kuch aisa jo kisi dushman ke saath bhi hona nahi chaahiye. Aapne shaadi tootne ke ajeebo gareeb kisse toh sunne hi honge par yeh kissa toh harr kisse ka baap nikla.

Ab dekhiye, shaadi ki saari taiyaari ho gayi thi, mandap bhi saj gaya tha, guests aane waale the. Harr bride ki tarah humaari bride bhi gayi thi parlour, sajne sanwarne ke liye. Aakhir mein shaadi ke din harr koi apna best dikhna chaahta hai taaki pictures mein beauty queen lag sake. Yahi par hua ek atrangi plot-twist. Dulhan ka intezaar karte karte sab log pareshaan ho gaye. Parlour se lautne mein itni time- yeh sochkar shadi mein stress ka mahaul bann gaya. Waise toh bride kisi relative ke saath gayi par na woh wapis aayi or na hi bride.

Hua kuch aisa ki -beauty parlour mein uski love story ka new chapter shuru ho gaya! Humari dulhan apne lover ke saath bhaag gayi. Yeh news jab gharwaalon ko pata chali woh shock mein reh gaye. Phoolsi beetiya ki shaadi mein nachne ka intezaar kar rahe gharwaalon ka haal hua behaal.

Yaha dulha apne shaadi ke sapne sajha raha tha, ghodi pe chadhne ki planning kar raha tha, shaadi ki mithaaiyon ka mazaa le raha tha. Lekin usse kaha pata tha ki uski khushiyon ko lag gayi hai kisi ki nazar.

Apni naak bachaane ke liye dulhan ke gharwaalon ko ek zabardast idea aaya- unhone ladke waalon ko yeh bataaya ki parlour se aate aate ladki ka accident ho gaya jisme uski jaan chali gayi. Sach se dulhe ka dil woh todna nahi chaahte the. Dulhe ko laga 440 watt ka jhatka! Uske dil ke armaanon ke tukde tukde ho gaye, just like a broken mirror.

Yeh news sunne ke baad, groom ki tabiyat ho gayi kharab. Apni dulhan ko dekhne ke intezaar mein iss aashiq ko kya pata tha woh shaadi ke din itni buri khabar sunega. Dulhan ki maut ki kharab mein woh kaafi low feel kar raha tha.Bechara dulha, sapne toh bade sajaye the- shaadi mein nachne ke liye, dulhan ke saath poutwaali photo kheechne ke aur suhagrat ke, magar kise pata tha usse saath itna bura hone waala hai.

Drama yaha khatam nahi hota hai.

Jab ladkewaale ladki ke ghar aaye, situation dekhkar woh dang reh gaye.Gaslighting ki bhi hadd hoti hai lekin ladki ke gharwaalon ne toh usme bhi phd ki thi. Unhe pata chal gaya- ladki na hi accident hua hai aur na hi uski maut. Ladki apne lover ke saath ho gayi hai rafuchakkar. Beti ke gharwaale bade hi dukhi the. Unhone sara sach ladke ke gharwaalon ko bata diya.

Ladki ke pita ne thodi himmat dikhayi aur police ke paas complaint register karne chale gaye. Unke hisaab se do ladkon ne ladki ko behla-fusla kar apne saath bhaga liya.

Police ne case register kiya aur ab bride aur dono ladko dhoondhne mein lag gaye. Ab sach toh ladki hi bata sakti hai woh apne mann se bhaagi thi ya usse bhagaaya gaya tha.

Kya aap bhi humaari tarah yeh soch rahe hai ki iss story ko ek zabardast web series mein badal dena chahiye?