Dulhan Ka Mandap Se Walkout, Dulhe Ka Lockup Mein Checkout!

Shaadi sirf rishton ka bandhan nahi hoti, kabhi-kabhi Crime TV serials ka bonus episode bhi ban jaati hai.

Scene: Uttar Pradesh, Bareilly ka shaadi ka mandap.

Dhol baj raha tha, baarat naach rahi thi, halwai full pace pe jalebi tal raha tha.
Dulhan ekdum bridal glow me stage pe ready thi. 

Aur fir aaye hamare Dulha Raja—jo full daaru peeke “Dosti Hi Sab Kuch Hai” mode me the.

Varmala ka mahaul ready tha.
Dulhan ne varmala pehna di, sab log taali baja rahe the.

Phir aaya Dulhe Raja ka moment…

Aur bhai ne full confusion mode me apne best friend ke gale me varmala daal di. Woh bhi dulhan ki aankhon ke samne jaise ki koi prem ki deewani type movie ka scene chal raha ho.

Ab usne esa mazak mein kiya, ya kisi confusion mein ye toh nai pata lekin, koi bhi hassa nahi.

Shayad uska manna tha ki "biwi toh aate jaate rahegi, ye dosti nahi chodenge"

Haa ye baat alag hai ki isse jatane ke aur bhi tareeke hai, aur kaafi better jagah aur situations bhi hoti hai lekin usne esa nahi socha!

Dulha apne dost ke gale me varmala daal raha hai,

baarati bhi khade hoke dekh rahe hai. Addhe shock mein hai aur aadhe video le rahe the!

Dost bechara soch raha hai—‘Bhai, ye konsa bromance chal raha hai?’

Ab dekhna ye tha ki dulhan ke liye ye funny tha ya fir shaadi todne ke barabar?

Dulhan bangyi gusse mein bridezilla!

Aur phir... BOOM!

Dulhan ne socha “isko chodo iske dost ke pass,

Mein toh bhaag rahi hoon” aur usne sachme dulhe se shaadi karne se inkaar kardiya

Lekin asli comedy toh abhi baaki thi. Police aa gayi, aur dulha ab Varmala justification se zyada FIR justification dene laga.

Police wale bhi pooch rahe the:
"Beta, dinner kiya ya FIR ka bhi order de dein?"

Aur dulhe ka best friend?
Banda zindagi ka sabse iconic groomsmen hoga jo ye crisis face kar raha hoga.

Usne socha "Bhai, hum dost the… Ab yeh kya ho gaya?"

Shaadi Cancel, FIR Register, Dulha Arrest!

Dulhan ka "No" ekdum final tha.
Family ne samjhane ki koshish ki, par usne bola: "Main dulhan hoon, Bewakoof No.1 nahi!"

Result?
Dulha, uske papa aur teen aur rishtedaar – total 5 log challaned.
Dowry aur public humiliation ke charges bhi lage.
Police inquiry bhi chalu ho gayi.

Matlab shaadi ki jagah FIR likhi gayi, suhaag raat ki jagah interrogation chali, aur honeymoon ke sapne jail ki taraf chale gaye.

Dulha ke doston ka kya haal hua hoga?
Shayad soch rahe honge—"Bhai ne shaadi pe comedy ki, humne baraat pe tragedy dekh li!"

Aur dulhan ke ghar wale?
"Ek dam Sahi Kiya Beti!" ka certificate de rahe honge.

Agar aap dulhan ki jagah hote, toh kya karte?

1.     Shaadi cancel kar dete?

2.   Groom ki stage pe khade khade dhulaayi kar dete?

3.   Mandap me ek aur dulha cast kar lete?

Comment karo aur tag karo doston ko jo UP ki shaadiyon ke asli masale samajh sakte hain.