Shaadi ka mandap aur concert ka stage, Shillong ne dono ka farq mita diya!

Shaadiyon mein kya hota hai? Dhol bajta hai, DJ Bollywood gaane bajata hai, aur baarati dance floor pe chappal ghis dete hain.

Aunty ka latka-jhatka, uncle ka "naagin" dance, aur chhote bachche bina beat samjhe naachte hain.

Par Shillong ki ek shaadi ne shaadi ka pura system hi tedha kar diya!

Shillong ka naam "Rock Capital of India" aise hi thodi na hai! Yeh shaadi ne prove kar diya ki yahaan ka swag alag level ka hai.

Dulha, dulhan aur baaratiyon ne dhol-nagade ka band baja diya aur Metallica par headbanging karke shaadi ko ekdum concert bana diya.

Ab baat karo dulha aur dulhan ki. Dulha, John Gilbert Marwein, Shillong ke famous metal band Thunder’s Cave ka member hai. Matlab dulhan ko dhol pe thumke expect karne ki galti toh bilkul mat karna.

Aur dulhan bhi waise "DJ wale babu" ki fan nahi nikli.

Ab imagine karo, yeh scene kisi aur shaadi mein hota. Punjab mein hota toh log samajhte ki "naagin dance ka upgraded version launch hua hai." South mein hota toh sochte ki "yahan classical ke saath fusion karne ki koshish chal rahi hai."

Aur agar UP ki shaadi hoti? Log pooch rahe hote: "Bhaiya, shaadi ho rahi hai ya log baal sukha rahe hai?"

Yeh shaadi sirf pyaar ka celebration nahi tha, yeh unke inner rockstar ka public debut tha. Matlab dulha aur dulhan ne prove kar diya: Shaadi ka rishta sirf dil ka nahi, music ka bhi hota hai.

Log shaadi mein shayad usual slow dance ya group selfies expect karte hain, lekin yahaan Dulha aur Dulhan ne lead kiya ek aise vibe ko jo shaadi ke playlist ke standards hamesha ke liye change kar degi.

Imagine karo: Sweaters aur jackets pehne baarati apne inner rockstars ko channel karte hue Metallica ke rhythm mein hil rahe hain! Yeh wedding stage nahi, pura Shillong ka style statement ban gaya hai. Dhol toh raha side pe, par energy bilkul center stage pe thi.

Iss video se poora social media hogaya shock kyuki Dulha Dulhan ne kiya jamm ke rock. 

Kisine kaha : "Yeh shaadi goals hai ya world tour rehearsal?"
Toh koi keh raha hai, “The rock city rocks!”

Comment section waalo ne bhi macha diya ye bolke: "Humare yahaan toh shaadi mein aunty ka karaoke hota hai, Shillong mein toh live rock show hai!"

Toh yeh tha ek heavy metal shaadi moment, love aur music ka full power combination.

Kyuki Shillong mein “Tum Mile” nahi, “Thunder’s Cave” chalta hai!