HARDOI ke Khaddipur Chainsingh gaon mein ek kahani chali, jismein victim bhi pradhan tha aur culprit bhi wahi nikla. 37 saal ke Yatish Singh, aka Kallu, ne apni hi maut ka natak rach diya — matlab plotting a “murder mystery”, starring himself. Motive? Ek aadmi se badla lena kyunki usne loan ke paise return nahi kiye. 

Missing Person to Breaking News

Jab pradhan achanak gaayab huye, gaon mein halchal mach gayi. Police ne investigation shuru ki — Kotwali City team, SOG aur surveillance cell sab ek frame mein. CCTV nikala gaya, location trace hui, aur phir suspense khatam: Pradhan ji toh zinda mile!.

Plot twist aisa tha ki crime-based TV shows ke writers bhi soch mein pad jaayein — “Yeh episode humne kaise miss kar diya?”

Planning Mein Masala, Execution Mein Error

Yatish ji ka plan simple tha: apne “murder” ki fake kahani bana kar apne debtor ko trap karna. Lekin timing galat thi, aur CCTV ka coverage itna solid ki post-credit scene se pehle hi pakda gaya. Police ne kaha, “case closed,” aur audience ne kaha, “yeh tha anti-climax.”

Moral of the Story: Drame Ka Debt Mat Chukao

Bhai ne paise nahi, logic lose kiya. Kallu ji ne prove kar diya ki personal debt settle karne ke chakkar mein agar fake murder ka idea aaye, toh OTT platform se pehle nearest police thane ko approach karo.

Ek line mein summary? Pradhan ne apni hi fake murder story likhi, par editing police ne kar di.

About Author

Abbas Momin is a stand up comedian, writer, and podcaster. He has written columns for The Indian Express, Rolling Stone India and GQ India. 

Abbas has also hosted a film podcast called 'Has It Aged Well?' and does regular appearances on Cyrus Broacha's show 'Cyrus Says'. He has acted in the film 'Ghoomer' and the web series 'Very Parivarik'.