KABHI desh ko aage badhane ke liye policy aati hai. Kabhi app launch hota hai. Aur kabhi Bihar bolta hai: “Pothole dikhao. ₹5,000 le jao.”

Ji haan. February 2026 se, Bihar ke roads sirf commute ka zariya nahi rahenge…woh banenge interactive public participation platforms. Authorities ke naye plan ke mutaabiq, agar aapko sadak par koi pothole dikhe, toh bas report karo… aur ₹5,000 ka inaam jeeto.

Na quiz. Na lucky draw. Bas pothole. Real wala.

Is scheme ka naam unofficially kuch bhi ho sakta hai, par spirit bilkul clear hai: “Agar system gaddha nahi dhoondh pa raha, toh logon se hi karwa lo.”

From Complaint Box To Cash Counter

Pehle pothole dikhta tha toh hum bolte the: “Yeh toh normal hai.”

Phir bolte the: “Koi sunta hi nahi.”

Ab bolenge: “Iska angle sahi lo… ₹5,000 ka scene hai.”

Suddenly, har subah ka walk ek survey mission ban gaya hai. Scooter pe ja rahe ho? Helmet ke saath camera bhi ready rakho.

Is scheme ne ek cheez clear kar di hai: Bihar ne potholes ko problem nahi, opportunity bana diya hai.

Public Participation, Par Desi Flavour Ke Saath

On paper, yeh civic engagement hai. On ground, yeh desh ka pehla gamified governance experiment lag raha hai.

Aur honestly? Hamare society ke liye yeh bilkul on-brand hai.

Hum:

– Queue mein khade reh ke survive karte hain

– Broken footpaths pe balance seekhte hain

– Aur ab potholes pe entrepreneurship

Agar Yeh Chal Gaya, Toh Next Kya?

Agar Bihar ka pothole incentive hit ho gaya, toh hum suggest karte hain National Tedhe Medhe Civic Rewards Programme™. Kuch proposed categories:

1. “Footpath Hai Ya Suggestion?” Award

₹3,000 | For spotting a footpath that exists only in government records.

2. “Signal Green Tha, Par Gaadiyaan Red Thi” Bonus

₹2,000 | For documenting traffic signals that nobody emotionally believes in.

3. “Yeh Drain Kab Se Open-Air Hai?” Grant

₹4,500 | For drains that have accepted their destiny as permanent landmarks.

4. “Metro Ka Kaam 7 Saal Se Chal Raha Hai” Loyalty Points

Redeemable for patience, rage, and one free rant.

5. “Speed Breaker Or Surprise?” Jackpot

₹10,000 | For speed breakers with no warning, no paint, and no mercy.

Boing Hall of Fame Early Prediction

Agar yeh scheme ground pe kaam kar gayi, toh yeh sirf road repair story nahi rahegi. Yeh ban jaayegi ek case study on how Indians will fix anything… if you just attach prize money to the trauma.

Isliye Bihar ka yeh pothole prize scheme gets an early, pre-emptive entry into the Boing Hall of Fame (Category: “Most Honest Way To Admit There’s A Problem”).

Kyuki humare yahaan:

– Complaint karna ek aadat hai

– Ignore hona ek reality

– Aur ab… gaddha dikhana ek side hustle

Aur honestly? Yeh hamara sabse realistic infrastructure reform plan lag raha hai.