CONTRARY to the intense nature of police encounters, a video from Jhansi has amazed people. In the video cops can be seen telling a man to stop laughing after he is shot in the leg.
What the video shows
A police encounter is the last place jahaan aap hasi mazaak expect karte ho. Lekin Jhansi se ek video aaya hai jahaan yeh saare expectations have gone for a toss.
Video mein police ek accused ko courtroom le ja rahi hai aur uske pair mein goli lagi hui hai, woh police ke saath baitha hua hai aur background mein ek officer usey kehta hua sunai deta hai ki “hasna bandh karo, video ban raha hai”.
Bas, yeh line sunte hi internet ne video ko courtroom se utha ke meme room mein daal diya.
Encounter se zyada acting ki tension
Police ke hisaab se accused firing kar raha tha, toh jawab mein uske pair par goli maarni padi. Case serious tha, par video ne uska mood pura light kar diya. Accused halka muskara raha tha, par officer ki stern warning ne uski smile ko bhi editing table par bhej diya.
Asal mein hasa kaun?
Phir shuru hua asli confusion. Police ne clarification diya: “Hum accused ko nahi, apne constable ko na hasne ko bol rahe the.” Lekin internet wale bole: “Bhai, sound clear hai, excuse thoda zyada filmy lag raha hai.” Matlab ab public ko samajh hi nahi aa raha ki video mein acting class chal rahi thi ya phir official press meet.
Memes ki machine gun
Social media ne mauka haath se nahi jaane diya. Ek ne likha: “Encounter ka trailer zyada entertaining hai movie se.” Doosre ne meme banaya: accused ki photo ke saath caption — “When teacher says don’t laugh, but best friend ka chehra dikh jaye.” Floods, cricket aur politics ke beech police ka yeh “no-laugh challenge” top trend ban gaya.
Script Ki Zarurat Kyun?
Asli sawaal yeh hai: agar encounter genuine tha, toh video banake dialogue dene ki kya zarurat thi? Aur agar video bana bhi liya tha, toh internet par aane ka short-cut kyun? Ab toh log bol rahe hain “Jhansi Police apna YouTube channel kab launch kar rahi hai?.” Encounter ho ya interview, asli focus hona chahiye sach aur justice pe. Lekin yahaan toh smile aur script hi main characters ban gaye. Humari toh bas ek guzarish hai: Police station aur court mein actual kaam ho toh sahi hai, acting audition ke liye alag form bharna padta hai.
