Tedhe Samachaar ki Seedhi Baat

- Himachal ka ek aadmi 16 saal ki age mein accident ke baad apni memory kho baitha

- 45 saal tak ek bilkul alag zindagi jeeta raha— naya naam, naya sheher, nayi family

- Ek aur head bump ne purani yaadein wapas laa di

- Aadmi ne apna gaon Google karke family dhoond li

- Emotional reunion hua, aur poora ka poora gaon mind blown!

SOCHIYE AAP apni life ka “before” folder hi bhool jao. Naam, gaon, family — sab erased. Aur phir 45 saal baad, bina password ke, memory wapas aa jaaye. Yeh kahaani filmy lagti hai, par yeh bilkul real hai. Aur honestly, thodi Tedhi Medhi bhi.

Ek Accident, Phir Blank Screen

HImachal mein 1980s ke dashal mein ek  teenager ka road accident hua. Sar pe chot lagi aur saath hi dimaag ka hard drive format ho gaya. Aadmi ko apna naam tak yaad nahi raha. Kisi ne naya naam de diya, kisi ne kaam dilwa diya — aur life ek fresh start ke saath chal padi Maharashtra ke Nanded mein.

Shaadi hui, bachche hue, routine set ho gaya. Past? Missing files.

Phir Aaya Plot Twist: Second Bump

Par phir Zindagi ne ek aur surprise diya — ek aur chot. Is baar damage nahi, systen files restore hui. Dheere-dheere gaon, pahad, ghar ke visuals yaad aane lage. Aadmi ne confuse hoke search kiya — aur internet ne bola, “Haan bhai, yeh jagah toh exist karti hai.”

Aur bas, return journey shuru.

The Prodigal Son Returns

Jab woh apne gaon pahuncha, relatives shock mein the. Jo ladka decades pehle “lost” maan liya gaya tha, woh saamne khada tha. Celebration hua, rona-dhona hua, log ek doosre ke gale lage. Poore gaon ko bhi laga ki woh kisi film ki kahaani ka hissa bann gaye hain. 

Moral of the Story

Zindagi kabhi kabhi logout kar deti hai bina pooche. Aur kabhi-kabhi, bina warning ke wapas login bhi karwa deti hai. Memory lost ho sakti hai, par back end ka connection kahi na kahi joined rehta hai . Aur haan — dimaag ka “forgot password” option bhi hota hai, bas password recover karne ke liye kabhi kabhi 45 years aur ek solid sar pe whack ki xzarurat hoti hai.

 

**

Boing FAQ’s

WHO?
Himachal ka ek aadmi jo 45 saal pehle memory lose kar gaya tha.

WHAT?
Second head injury ke baad purani yaadein wapas aayi.

WHEN?
Accident teenage years mein, memory return 45 saal baad.

WHERE?
Zindagi ka major hissa dusre sheher mein, reunion Himachal ke gaon mein.

WHY?
Rare neurological case — dimaag ne late but strong comeback maara.

HOW?
Accident → memory loss → new life → second bump → Google → family reunion.
 

About Author

Abbas Momin is a stand up comedian, writer, and podcaster. He has written columns for The Indian Express, Rolling Stone India and GQ India. Abbas has also hosted a film podcast called 'Has It Aged Well?' and does regular appearances on Cyrus Broacha's show 'Cyrus Says'. He has acted in the film 'Ghoomer' and the web series 'Very Parivarik'.