Tedhe Samachaaar ki Seedhi Baat:

-  UP mein ek routine search operation hona tha
- Jab police wale address pe pohonche toh address Judge ka nikla!
- Ab darwaaze pe awkward moments bharpur
- Judghe ne bola beta humaara warrant hum hi se meow?

UP POLICE ka ek bilkul routine sa search operation tha — court order clear, instructions bhi clear, aur team full taiyyar. Bas ek detail thodi si idhar-udhar ho gayi: ghar ka number sahi tha, magar ghar judge sahab ka nikla.

Subah-subah, police team full confidence ke saath gate pe knock karti hai. Darwaza khulta hai… aur saamne khadi milti hain ek sitting judicial officer, woh bhi poore shock mode mein. Team ko tab realise hota hai ki jo “suspect ka ghar” samjha ja raha tha, woh actually judge ka official residence tha.

Warrant Tha, Intent Bhi Sahi Tha… Par Reading Comprehension Thodi Kam Thi

Investigation se pata chala ki designated officer ne court order ka address galat read kar liya. Koi dramatic twist nahi — bas woh classic Indian paperwork wali galti jiski wajah se HR bhi resignation letter dobara padhwa leti hai.

Jab officer ne judge ko situation samjhaane ki koshish ki, toh judge ka expression clear tha:

“Beta… yeh kaise ho gaya?”

Woh 20 second ka silence police training academy mein case study ban sakta hai.

Thane Mein Halchal, Maathe Pe Facepalm, Aur PR Mode On

Judge ne turant official complaint file kari. Station mein senior officers ki halat waise hi ho gayi jaise appraisal ke pehle din hoti hai — tension high, excuses low.

Galti karne wale constable ko colleagues ne ek naya nickname de diya: “Bin internet ka G-Map.” Us bechaare ko ab file ka address bhi teen baar check karna pad raha hai… warna ghar ke saamne judge tik jaayenge.

Internet Ka Verdict: Yeh Toh Boing Hall of Fame Fix Hai

Jab incident ka video aur details leak hui, toh social media ne kamaal kar diya. Comments aaye:

“Is afsar ke liye yeh search operation toh almost new job operation mein badalne wala tha ”

“Judge ne bola hoga: beta humaara warrant hum hi ko sunaoge?”

“UP Police: Don't Judge.”

Moral of the Story: Address Check Karna Mandatory Hai, Career Check Optional

Police ab protocols revise kar rahi hai, thief ka case alag se chalega, aur woh officer…

let’s just say woh ab WhatsApp forward bhi bina double-check kiye nahi bhejta.

**

Boing FAQ’s

WHO?
Woh police team jinhone galat address par search operation kar diya — judge ke ghar pe.

WHAT?
A routine raid jo paperwork ki ek choti galti ke chakkar me “court order meets court owner” ban gaya.

WHEN?
Subah-subah, jab log chai banate hain… aur police galti se judge ka darwaza.

WHERE?
UP ke ek residential colony mein, jahan suspect ke ghar ki jagah judge ka residence mil gaya.

WHY?
Court order ka address galat read ho gaya — ek digit idhar-udhar, aur poora operation tedha.

HOW?
Team gate knock karti hai → judge saamne aati hain → awkward silence → complaint file → internet full circus mode.

About Author
Abbas Momin is a stand up comedian, writer, and podcaster. He has written columns for The Indian Express, Rolling Stone India and GQ India. Abbas has also hosted a film podcast called 'Has It Aged Well?' and does regular appearances on Cyrus Broacha's show 'Cyrus Says'. He has acted in the film 'Ghoomer' and the web series 'Very Parivarik'.