Pati ki Chhutti, Par Mobile ki Permanent Chhutti

Enjoying exploring?

Mahakumbh 2025 – jahaan crore log punya kamaane aaye, wahaan ek phone apni zindagi haar ke wapas gaya! Kuch toh paap kiye honge uss phone ne bhi jo paani ke saath wo bhi poora dhul gaya.

Yeh hua Prayagraj ke Triveni Sangam par, jahan ek bhakt lady ne itni shiddat se pati ka online snan karwaya, ki gopi ki yaad aagyi (samajhdaar ko ishaara kaafi)

Pooja ki thaali ek haath me, phone dusre haath me, saree samhalti hui woh paani me pravesh karti hai.

Pati ji video call pe live connected hain, chhutti nahi mili hogi bechare pati ko toh online bhakti ka full experience le rahe hain.

Aur phir aata hai woh moment…

Mahila ne phone uthaya, ek, do, teen, aur paani me dubki lagayi.

Kya sochke ye kiya woh toh nahi pata par shraddha ke liye toh full marks dene padegne. Dekha jaaye toh ye hogaya ki biwi ne socha hoga “Iss dubki se mere saare paap dhul jaaye” aur paani mein gaya pati, phone ke saath.

Pati shocked kyuki phone gaya in the rocks!

Ye moment dekhne ke pati ne kya socha hoga uska toh pata nai par duniya ke pass kaafi kuch tha bolne ke liye:

"Pati ka virtual snan ho raha hai ya phone ka digital visarjan?”

“Mahakumbh Ka Pehla Digital Balidaan!”

Social media pe log full investigative mode me aagye:

"Madam, phone paani me dubo diya, lekin kya liquid damage ka insurance bhi tha?"

"Pati ne phone call pe full snan experience le liya, but an naye phone ke kharcha bhi uthana padega."

Ek bhai ne bola,

"Pati to theek hai, lekin phone ki aatma shaanti ki prarthana zaroor karna!"

Aur kisi ne toh ye tak keh diya,

"Gopi Bahu Level 2.0! Ab dhulayi nahi, direct Ganga Snan!"

Matlab, ye bas ek video call nahi, bhakti aur technology ka pehla ‘immersive’ experience tha!