Tedhe Samachaar ki Seedhi Baat
 

- Jharkhand ke ek drugs case mein court ko bataya gaya ki seized ganja choohe kha gaye.

- Evidence court ke saamne produce hi nahi ho paaya.

-Judge ne police explanation ko seriously nahi liya.

-Case ka “chain of custody” toot gaya.

-Accused ko benefit of doubt mil gaya — aur freedom bhi.

INDIA KE legal system mein plot twists common hain, par is baar twist rodents le aaye. Aur woh bhi full 'tunn' ho ke. Jharkhand ke ek ganja seizure case mein police ka kehna tha ki evidence safely store kiya gaya tha… bas thoda sa issue ho gaya — rats ne poora maal chaba liya. Court ne suna, internet ne suna, aur sab ne collectively bola: even for a story involving ganja, this is insane.

Rats Ka Buffet, Police Ka Statement

Police ne court ko bataya ki 200 kilo ganja malkhana mein rakha gaya tha, par trial ke time jab produce karna tha, toh sirf kahaani bachi. Explanation simple tha: rats. Ji haan CHOOHE. Judge ne bhi socha hoga — itna organised attack? Full logistics involved lagte hain.

Court Ne Bola: Logic Missing Hai

Judge ne sirf rats wali theory nahi, balki police ke statements ke gaps bhi notice kiye. Kab seize hua, kahan rakha gaya, kaun responsible tha — answers clear nahi the. Result: prosecution weak, doubt strong, aur accused free.

Internet Ka Reaction: Rats = Senior Counsel

Social media ne turant rats ko promote kar diya — from pests to legal masterminds. Comments aaye:

“Evidence destroy karna koi inse seekhe.”

“Police ka kaam, rats ne nipta diya.”

“Malkhana nahi, rat cafe tha.”

Moral of the Story

Is kahaani ka lesson simple hai — jab system weak hota hai, toh rats bhi case jeet jaate hain. Aur India mein kabhi-kabhi justice slow nahi hota… bas kabhi kabhi thoda high hota hai.

**

Boing FAQ’s

WHO?

Police, court, accused — aur beech mein rats.

WHAT?

Seized ganja allegedly rodents ne kha liya.

WHEN?

Trial ke time jab evidence produce hona tha.

WHERE?

Police storage se courtroom tak ka safar.

WHY?

Poor storage aur worse explanations.

HOW?

Evidence gaya, story reh gayi.