Kutte Ne Liya Ek Paw-some Badla And It Was Not Cute!

Madhya Pradesh ke Sagar mein rehnewale Prahlad Singh Ghoshi huye ek unique badle ke shikaar. Ek kutte ko kiya apni car se accidentally hit and it cost him INR 15,000. Here’s how!

‘Justice’ ki hain ek nayi pehchaan and it looks very much like this CCTV footage from the Tirupati Puram Colony. 18 January ki bhari dopeher mein Prahlad Ji nikle the apni car mein apni family ke sath shaadi ka khana khane… hamara matlab, shaadi mein jaane. Ghar se bahar nikalneka mahurat sahi nahi tha. Uss din ka horoscope padh lena chahiye.

Little did he know ki aaj ki raat layegi unke liye ek aisa experience jo unhe aur unki family ko confuse karke chhod dega.

Society ke gate se kuch 500 meters durr baitha tha ek kutta. Let us tell you, yeh koi ordinary kutta nahi tha. Woh dhoop sek raha tha, probably ache khane ke sapne dekh raha tha, jab Prahlad Ji ne galti se usse apni car se thok diya. Obviously, woh kutta bass tu bhaag Milkha ki tarah Prahlad Ji ke car ke peeche dauda until he couldn’t.

Agli subah jab Prahlad Ji ne apni car dekhi toh uss par the scratches. Prahlad Ji huye behaal, bade pareshaan. Sheher mein dhindhora karke jab unhone CCTV footage dekha, tab pata chala ki, as the saying goes, chhora bagal mein hi tha. Aur woh chhora tha wahi kutta. Imagine!

Turns out, ek raat pehle jab shaadi mein baaratiyon ke sath vibe karke, khane ka pura maza lekar jab Prahlad Ji raatko 1 baje aaye wapas, tab iss kutte aur uske dost ne milkar inki car ko scratch kiya tha. He literally took the matter in his hands. Sorry, paws. Kutte ke aage peeche koi nahi hain toh kya? He is self-sufficient!

After paying for Rs. 15,000, hum totally imagine kar sakte hain ki Prahlad Ji iss song se kaafi relate kar rahe honge—“Who let the dogs out???”

Kya aap kisiko jaante ho jisne kiya hain kutto ko offend? If yes, toh yeh unke sath share karo aur jald se jald unse kaho ki woh 11 kutto ko doodh aur biscuit khilakar apne paapon ka prayashchit kare.