Kaun Kehta Hai Music Heals? Puchho Koi Iss Fan Se!

Dil Ke Armaan Kachre Mein Fek Diye Gaye!

Savdhan rahe, Satark rahe—apni kaamwaali didi se tickets bachakar rakhe!

Sarkaari job milne se zyaada India mein concert ke tickets ka milna harr kisi ka sapna ban chuka hai.

Kuch lucky logo ke liye yeh sapna sach bhi hua, unhi logo mein se ek thi Prachi Singh.

Apne favourite band ke concert par jaane ke liye Prachi harr woh lucky GenZ ki tarah bahut excited thi.

Apni pasandida dress aur lallantop mood ke saath jab Prachi nikal hi rahi thi, tab uska dil kuch aisa toota ki usski awaaaz pure internet bhramaand mein gunj uthi. Matlab, in-short Prachi ki sad story, viral ho gayi.

Prachi ke concert ki 2 tickets went missing!

Matlab samajh rahe ho? Ek toh pata nahi kitne papad belkar yeh tickets mili hongi upar se itna bada haadsa!

(Haadsa, Haadsa, Haadsa, for dramatic effect)

Dining table par wrapped yeh tickets aakhir gayi toh gayi kahan?

 Aapki tarah hum bhi yahi soch rahe the, tabhi aata hain kahaani mein ek unexpected twist!

Bahut dhoondhne ke baad usse yeh pata chalta hain ki uski kaamwaali didi ne concert ki tickets ko kachra samajhke dustbin mein phek diya.

(Isiliye jab mummy kehti hai ke saari cheezein dining table par mat rakha karo, sun lena chahiye)

Jee ha aapne bilkul sahi padha, kaamwaali didi ne toh Prachi ki khushiyon ki band hi bajaadi. Mannato se mila hua sky full of stars wala mood ab ho gaya, ‘yellow’. (Haan gaa ke hi padhna tha)

Lekin powerhouse Prachi ne haar nahi maani, badi himmat aur lagan ke sath woh nikal padi ek adventure of a lifetime pe. (Background music baja na?)

Prachi ko dekh ke Sanitation workers ko bhi bura laga aur unhone kahan we will all - Fix You.

Par, kuch galatiyaan fix nahi hoti. Aur Prachi bichaari ko concert ki tickets nahi mili. :(

Prachi ne yeh puri ghatna apne social media par share ki aur Memers ke advantage se woh raaton raat meme duniya ki superstar bann gayi.

Unki yeh kahaani laakhon logo ko chhu gayi aur toh aur humein yeh seekh de gayi ki–

‘Sometimes things don’t go as planned and that’s life!’

Dumpster mein padi padi concert ki yeh tickets tanhai mein, aksar yeh baatein karengi hum concert dekhne jaate toh kaisa hota, tum yun nachti, favourite singer se milti, gaane ke lyrics galat gaati, hum concert mein jaate toh aisa hota, hum concert mein jaate toh waisa hota.

Iss ghatna mein ek upside bhi hai.

Prachi Singh ki kaamwaali didi ko dena chahiye saaf safaai ka award. Kachra dikha? Seedha dustbin mein phek diya. No bakwaas, no timepass, no kaamchori! Kahin milti hai aisi imaandar didi?

Aap kisko jaante hai jisse aisi smart kaam waali didi ki zaroorat ho toh unke saath Prachi ki kahaani share zaroor karein.