PICHHLE DECEMBER, Meerut ke Dev Kumar apni shaadi ke liye grey suit, red pagdi aur cash garland pehenkar ghode par nikle the. Cars ki honking aur baraatis ke Reels ke beech, Dev life ka hero feel kar rahe the. Lekin iss perfect scene mein entry mari ek villain mini-truck driver ne — jo ek flash mein Dev ki notes ki mala snap karke bhaag gaya.

Horse Se Bike Tak

Koi aur dulha hota toh sochta, “Ab shaadi mein bad omen aa gaya,” par Dev ne socha, “Ab mere stunt dikhaane ka time aa gaya.” Woh seedha ek passer-by ki bike par chadh gaya aur truck ko follow karne laga. Bas phir kya tha — groom ban gaya action hero aur baraat ban gayi chase sequence.

Highway Hero ya High-Risk Player?

Video mein Dev ko dekha ja sakta hai bike se seedha moving truck par jump karte huye. Thoda Mission: Impossible, thoda Bollywood, aur dher saara action! Truck ke window se andar ghus kar Dev ne driver ko pakad liya. Pakde jaane par, truck driver ne defence di: “Galti se ho gaya,” matlab “accidental theft.” 

Iss scene ke end mein Dev ne apna cash back le liya, baraatis ne apna content record kar liya, aur police ne case file karne se pehle hi plot wrap kar diya.

Boing Hall of Fame Moment

2024 ke viral calendar mein yeh incident ab tak top-tier entry hai — “from baraat to bike chase” wale genre ka pioneer. Dev Kumar ne prove kar diya ki UP weddings mein sirf DJ aur drama nahi, full-on action sequence bhi milta hai.

Moral of the story? Shaadi mein agar hero banna hai, toh sirf sehra mat pehno — helmet bhi pehno. Because you never know kab baraat ek blockbuster Fast & Furious sequence ban jaaye!