AAP TOXIC WAALE EX HO YA PEACEFUL WAALE, APNE ZODIAC SE PATA LAGAO 

Breakup ke baad koi Maldives chala jata hai, koi bas revenge body banane me lag jata hai, aur koi raat ke 2 baje doston ko purani chats dikhata hai, “Bhai, dekh, last ‘I love you’ kisne bola tha!”

Aap breakup ke baad move on gang me ho ya closure chahiye warna nind nahi aati type?

Aapka zodiac sign bata sakta hai!

Chalo, ab dekhte hain kaun kitna toxic, tragic, ya terrific ex hai!

Aries – The ‘Next!’ Type

Aapka breakup speed bhi 5G se tez hota hai. Aaj relationship khatam hua, kal naya gym membership liya, parso naye logo se dosti ho gayi. Move on karne ka world record aapke naam hona chahiye!

Par agar kisi ne breakup ke time dhokha diya toh? Ek petty revenge post zaroor aayega, koi sarcastic song lyrics ya cryptic Insta story. Aap hurt hote ho, but dikhate nahi!

Taurus – The ‘Ek Baar Pyaar, Toh Hamesha Pyaar’

Aap easily move-on nahi karte. Breakup ke baad bhi woh restaurant nahi chodoge jaha pehli baar date hui thi! Old gifts, messages, sab sambhal kar rakhne waale.

Lekin agar ex wapas aana chahe, toh bas yeh soch ke andar ka bank wala strict loan officer mode on ho jata hai, "Pehle proof do ki tum sudhar gaye ho!"

Gemini – The ‘Breakup Ke Baad waala Dost?’

Ek din toh “Mujhe fark nahi padta” mode me rahoge, doosre din raat ko “Just checking in” text likh kar delete kar doge.

Breakup ke baad bhi ex ki story pe react karna, naye dost banana, aur naye relationship rumors udana, yeh sab Gemini ka national pastime hota hai. Move on karna toh aata hai, par kabhi kabhi curiosity ki wajah se wapas aane ka bhi mann karta hai. Toxic nahi, par thoda unpredictable zaroor ho!

Cancer – The ‘Emotional Movie Main Lead’

Aap breakup ke baad sad songs ka personal target audience ban jaate ho. Har romantic song me apni kahani dikhne lagti hai. Purane photos, voicemails, aur anniversary reminders hataana aapke liye ek maha-yuddh hota hai!

Lekin ek baar agar aap heal kar lein, toh phir koi past me nahi ghooma sakta. Ex ki stalker list me naam ho sakta hai, par dil se kab ka unfriend ho chuke hote ho!

Leo – The ‘Main Zyada Khush Hoon’

Breakup ke baad pehla kaam? Ekdam fire Instagram post dalna! Caption? “Lost a lover, found myself.”

Aap chahte ho ki ex ko regret ho, aur regret tabhi hoga jab aap aur zyada chamakoge! Self-improvement pe dhyan dete ho, naye kapde, naye dost, naye hobbies, aur ek aisi glow-up journey jo sabko shock kar de!

Dil ke kone me ek "Sorry" ka intezar zaroor rehta hai, par saamne kabhi accept nahi karoge. Pride > Feelings!

Virgo – The ‘Analyzer’

Aap woh insaan ho jo breakup ke baad chat ka analysis karne baith jaate ho. Pichle 6 mahine ke texts padho, kaha par galti hui, kaun zyada effort daal raha tha, sab ka detailed report banao.

Aap dikhate nahi, par dil se deeply hurt hote ho. Par aapke breakup ka ek hi solution hai, work, work, work! Productivity me ghus jao, gym join karo, naye courses lo, aur ex ko indirectly batao ki ab koi zarurat nahi hai!

Libra – The ‘Breakup Ke Baad Bhi Civilized’

Aapko drama nahi pasand, toh breakup ke baad bhi sabke saath accha behave karna zaroori lagta hai. Even ex ke saath bhi! Matlab, birthday pe ek simple ‘HBD, stay blessed’ text bhejna bhi acceptable hai.

Par andar se breakup hurt karta hai, bas aap openly nahi dikhate. Validation aur attention ke bina aapko discomfort hota hai, toh naye logo se dosti fast ho jati hai. Rebound alert!

Scorpio – The ‘Ya Toh Move On, Ya Career Gone’

Agar kisi ne aapko hurt kiya, toh sirf breakup nahi, ek full-fledged revenge novel likhoge! Aapka attitude simple hai, “Main bhool sakta hoon, par maaf nahi karunga.”

Lekin agar pyaar genuine tha, toh dil se deeply hurt hote ho. Ek dum silent mode on karke sad music suno, stalk karo, par kuch dikhne mat do.

Par jab move on karte ho, toh itni shiddat se karte ho ki past ek forgotten dream lagta hai!

Sagittarius – The ‘New Trip, Who Dis?’

Breakup ke baad sabse pehla kaam? Ek naya trip book karna! Emotional baggage nahi chahiye, bas life me naye adventure dhundne hain.

Aapko drama nahi pasand, na hi ex ke saath unnecessary emotional closure waale long conversations. Aapko bas mazaak me "Ex who?" bolne ka mauka milna chahiye!

Capricorn – The ‘Chup Chaap Move On’

Aap breakup ko ek new project ki tarah treat karte ho, analysis karo, samjho, aur apne career pe dhyan do. Duniya ko dikhana zaroori nahi ki breakup hua hai, lekin apne andar ek masterplan bana rahe hote ho.

Ek baar agar kisi ko apne life se nikal diya, toh wapas aane ka koi chance nahi rehta. Long-term investment me loss accept nahi karte ho!

Aquarius – The ‘Intellectual Detachment’ Banda

Aap breakup ke baad deep thoughts likhne lagte ho, "Was it love or just a social construct?" Ek blog likh do, ya phir ek deep Instagram caption daal do.

Emotionally connect nahi hote, bas logically sochte ho. Ex ki stalking bhi curiosity ki wajah se hoti hai, na ki dukh ki wajah se.

Pisces – The ‘Sad Song Playlists Ka Raja/Rani’

Aap breakups movies ki tarah treat karte ho, full emotional phase! Sad songs, old memories, deep thoughts, poetry likhna, sab chalta hai.

Lekin aap sabse creative ex hote ho. Heartbreak ko art bana dete ho, painting, music, ya emotional captions! Lekin ek din jab aap samajh jaate ho ki aap deserve better, toh wapas nahi mudte.

Toh, Aap Kaunse Type Ke Ex Ho?

Breakups mushkil hote hain, par thodi mazaak-masti me tension halka ho jata hai. Aap batao, aapke zodiac ka breakup style match karta hai ya nahi? Aur doston ko tag karo jo ab tak "closure" dhund rahe hain!