ELECTRICITY ek wonderful invention hai par jab iska access cut jaaye toh iski asli value pata chalti hai. Na pankha, na light na AC. Based on your zodiac signs how would you react to such a scenario?
♈ Aries: “Switch Board Kholo Main Theek Karta Hoon”
Sabse pehle “main dekhta hoon” wala mode on ho jaata hai. Jaake switchboard khol diya, cell phone ki torch light muh mein atka ke ke wires hilaa diye jaise NASA ka mission chal raha ho. Pura ghar bole jaa raha hai “bhai mat kar current lagega” but Aries is like “arey mujhe sab aata hai.” Result: Pehle sirf ghar ki light gayi thi, ab street light bhi udd gayi.
♉ Taurus: “Candle Light Dinner Ki Opportunity”
Pehle kuch minutes mein Taurians disappoint hote hain ki TV, laptop, wifi yeh saai cheezon ka access ya toh bandh ho gaya ya kam ho gaya. Phir jab phone par reels chalc chala kar battery khatam aane ke nazdeek hoti hai toh inhone candle jalayi, chips ka packet khola, aur bed pe crawl karke spa day bana diya. Matlab dusre log tension mein rahe par Taurans toh candlelight dinner khud ke saath karna pasand karenge.
♊ Gemini: “Aur Suna Kya Chal Raha Hai?”
WiFi gaya toh kya hua? Geminis bataayenge ki asli entertainment kya hota hai. Sabko bulaya aur bola “chalo gappe marte hain.” Pehle 15 min toh full gossip download kar liya, phir khud ki hi fake kahaniyan banake entertain karne lag gaye. Jab gossip ka level unbelievable ki jagah unreal ki taraf jaane lage toh Geminis khud hi irritate hokar bolenge “yaar tum log bohot chugli karte ho” aur bedroom meon sone chale jaaynege.
♋ Cancer: “Andhera Matlab Bhoot Wali Kahaaniyaan”
Cancerians ko jaise hi andhera hua toh ek daraavne ghost story session ki opportunity dikhaayi deti hai. Akeli lantern ki roshni mein circle mein baith kar har ek apni scary story sunaaye toh cancerians respond karte hain “yeh toh daraavna bhi nahi tha, aur scary wali sunao” all the while they they’re getting scared out of their wits. THe funniest bit comes jab light aa jaati hai aur cancerians laight ki roshni se jump scare ho jaate hain.
♌ Leo: “Asli Glow Toh Humse Aayega”
Blackout ho ya na ho, spotlight toh hamesha inpe hi hoti hai. Light gayi toh turant bolenge: “Dekha, bijli bhi meri glow se jealous hai.” Aur phir har dusre minute kuch aise karenge ki attention in par bana rahe. Chahe woh gaane gaana ho, funny kahaaniyaan yaaad karna ho, room mein baithe logo ko badh chadh kar advice dena ho, ya apne favorite TV show ke 3 seasons episode by episode describe karna ho. Matlab, dark room mein bhi ego ka bulb full wattage pe.
♍ Virgo: “Don’t Panic, This Is A Drill”
Instant Excel sheet brain on. “Battery kitni bacha hai? Fridge ka doodh kab tak survive karega? Agar light 3 ghante se zyada gayi toh kya karna hai?” Jitne bhi backup plans hote hain, sab yahan milenge. Candle, torch, power bank, inverter, aur ek emergency note jispe likha hoga “light jaane ka emergency protocol.” Dusre log panic karte hain, ye log rescue operation shuru kar dete hain.
♎ Libra: “Electricity Gone, Vibes On”
Libras power cut ko bhi romanticize karenge. Fairy lights nikalenge, scented candle lagayenge, aur phone par playlist on kar denge (obviously phone ki battery barbaad karne ki keemat par). Dusre log fan ke bina mar rahe hote hain, ye log bol rahe hote hain, “But guys, vibe check toh karo.”
♏ Scorpio: “One With The Darkness”
For someone who isn’t big on getting attention, andhera ek sukoon ki tarah ho sakta hai. Scorpios corners mein baith ke sochte hain: “Perfect, ab koi nahi dekh paayega main kya kar raha hoon”. Andhere mein ghayab hokar baaki sabko observe karna yeh toh scorpios ka dream scenario ho gaya.
♐ Sagittarius: “Andhere Mein Hi Toh Sitaare Dikhte Hain”
Bijli gayi? Wah bhai, ab toh Saggiatarians ka nature appreciation mode on hoga. Seedhe balcony mein bhagenge, aur bolenge: “Waah yaar, finally stars dikh rahe hain. City ko aise aur blackout karna chahiye.” Dusre log heat se mar rahe hote hain, par ye stargazing aur truth-or-dare shuru kar dete hain. Matlab, light ka jaana inke liye ek picnic se kam nahi.
♑ Capricorn: “Iss Andhere Ke Root Tak Jaana Hoga”
Capricorn ka gussa toh bas andar hi andar jalta hai. Sabse pehle, woh jaanch-partaal karenge — 'main switch' check karenge jaise koi case solve kar rahe ho. Phir, woh un sab cheezon ki list banayenge jo woh nahi kar sakte, aur turant ek naya plan banayenge. Panic nahi, bas ek silent judgment! Woh 'electricity company' ko mann hi mann mein kosenge aur shaanti se ek candle jalayenge. Poora mood 'chilled but with a purpose' wala hoga, no drama.
♒ Aquarius: “Iss Power Cut Ke Peeche Kiska Haath Ho Sakta Hai?”
Light chali jaaye toh Aquarians turant existential mode on kar lete hain. Dusre log candle dhoondh rahe hote hain, ye baith ke soch rahe hote hain: “Darkness kya hoti hai? Kya hum isse darr rahe hain ya apne thoughts se? Is andhere ke peeche kaun ho sakta hai?” Matlab ek chhota sa blackout aur Aquarians philosophy ke TED talk pe chale jaate hain.
♓ Pisces: “Maybe This Darkness Is A Cosmic Sign”
Pisces light jaane ko ek cosmic sign samajhte hain. “Shayad universe keh raha hai bas, ab rest karo.” Aur literally two minute mein candle ke paas so bhi jaate hain. Baaki sabko heat, sweat, insects ka problem hota hai, aur ye sapne dekh rahe hote hain jaise blackout ne unki bedtime set kar di.
