KABHI NOTICE kiya hai — jaise hi koi naya restaurant open hota hai, group mein do types ke log hote hain. Ek jo bolta hai, “Chal na, kuch naya try karte hain”… aur doosra jo poochte hain, “Rating kitni hai? Menu bhej”. 😌

Food ke mamle mein, har insaan ka apna comfort level aur risk appetite hota hai.

Kuch logon ko sirf naye flavours ka thrill chahiye, kuch ko aesthetics aur dessert, aur kuch bas yeh chahte hain ki paise barbaad na ho. Isi liye, “try this restaurant” ke liye sahi saathi milna bahut zaroori hai.

Toh before you send that “Bro, ek nayi place mila hai” text, yeh quiz khelo aur jaan lo — kaunsa zodiac banega aapka perfect food-adventure partner.

1. Friend bolta hai: “Naya restaurant try karein?” Aapka reaction?
A. “Chal na! Abhi!”
B. “Menu bhej pehle.”
C. “Vibe achhi hai kya?”
D. “Kahin aur chalte hain.”
 

2. Naye restaurant mein order kaise karte ho?
A. Sabse weird-sounding dish
B. Safe dish + ek experiment
C. Jo photo mein best lage
D. Jo pehle bhi khaya ho

3. Restaurant choose karte waqt sabse important kya hota hai?
A. Unique food / naya concept
B. Taste & consistency
C. Ambience & lighting
D. Paisa vasool portion

4. Aapko place pasand aayi, par friend ko bilkul nahi. Aap…
A. Usko convince karne lagte ho
B. Shaanti se pros–cons samjhate ho
C. Hass ke topic change kar dete ho
D. Decide kar lete ho: yahaan wapas nahi aana
 

5. Aap naye restaurants kaise dhoondhte ho?
A. Random discovers & recommendations
B. Google reviews, ratings, blogs
C. Instagram reels
D. Kisi ke saath jaa ke

6. Kaunse type ka restaurant aapko excite karta hai?
A. Experimental / fusion
B. Well-reviewed, reliable
C. Cute cafés & aesthetic spots
D. Simple, trusted places
 

7. Perfect food outing aapke liye matlab…
A. “Yeh kabhi try nahi kiya” moment
B. Achha khana + chill baatein
C. Photos, reels, dessert
D. Araam se khana, no stress

8. Order late ho raha hai toh aap…
A. “Worth it hoga” bol ke wait kar lete ho
B. Politely staff se poochte ho
C. Table pics lene lagte ho
D. Thoda irritate ho jaate ho

9. Aap kitni frequently naye restaurants try karte ho?
A. Har mauka milte hi
B. Kabhi kabhi
C. Jab vibe match kare
D. Rarely
 

10. Restaurant ka biggest red flag?
A. Boring menu
B. Inconsistent taste
C. Bad lighting / no vibe
D. Overpriced food

**

 Results 

 

Mostly A’s — Sagittarius / Aries
Aapko chahiye ek full adventurous foodie. Sagittarius aur Aries bina zyada soche “haan” bol dete hain. Naya, weird, risky — sab try karenge.

Mostly B’s — Virgo / Capricorn
Aapka ideal buddy hai planner + foodie. Virgos aur Capricorns research karte hain, overhyped jagah se bachate hain, aur sure karte hain ki khana actually achha ho.

Mostly C’s — Libra / Leo
Aap ke liye restaurant sirf khana nahi, experience hai. Libras aur Leos vibe, photos, ambience aur fun ka poora dhyaan rakhte hain.

Mostly D’s — Taurus / Cancer
Aap comfort ke fan ho. Taurus aur Cancer ke saath jaana matlab safe, satisfying, no-regret meals. Experiment kam, sukoo