An Archetype Study in Seasonal Feelings, Weak Moments & “Hey :)” Texts
***
DUNIYA MEIN do type ke log hote hain:
Jo poore saal consistent rehte hain.
Jo sirf December se February ke beech aapki life mein attendance mark karne aa jate hain.
#2 wahi log hain jo March aate hi gayab ho jaate hain. No forwarding address. No explanation. Ye bas thand, shaadi season, nostalgia-bhare playlists aur Valentine’s Day ke darr ke saath materialise hote hain.
Yeh coincidence nahi hai. Yeh emotional migration hai.
Hum judge nahi kar rahe (okay thoda kar rahe hain), bas observe kar rahe hain. Kyunki har saal, har city, har phone mein, yeh same log waapas aate hain. Same lines. Same confusion. Same audacity.
Welcome to the December-Valentine’s Day Reappearance Index.
1. The “Bas Yaad Aayi” Texter
Message aata hai: “Hey. Long time.” No context. No follow-up. Bas vibes.
Yeh banda/bandi poore saal dikhai nahi deta. Par jaise hi thand badhti hai aur log couple reels daalne lagte hain, inka thumb kaam karne lagta hai.
Agar tum reply kar do, toh yeh bolenge: “Bas aise hi yaad aa gayi thi.” Aise hi? Tum koi bus stop ho?
MOST LIKELY TO BE: Pisces, Cancer (Emotion seasonal hai, consistency optional.)
2. The Wedding-Season Plus-One Fisher
December aate hi suddenly catch-up plan. Coffee. Walk. “So how have you been?” Phir casually pooch lenge: “Waise, next month ek shaadi hai… tum free ho?”
Inhe tumhari life mein interest nahi hai. Inhe photos mein interest hai. Tum bas ek accessory ho jo lehenga ke saath match karta hai.
MOST LIKELY TO BE: Libra, Leo (Akele jaana is not the vibe.)
3. The “I’ve Changed” Rebrand
New haircut. New captions. New playlists titled “healing era”.
Yeh woh log hain jo December ko apna personal relaunch month maante hain. Tumse baat karenge jaise woh bilkul naye insaan ho gaye hain.
Spoiler: nahi hue. Bas thand mein accountability thodi kam lagti hai.
MOST LIKELY TO BE: Gemini, Sagittarius (Growth real hai, duration questionable.)
4. The Emotionally Seasonal Human
March se November: Busy. Healing. Working on themselves. “Not in the headspace.”
December aate hi: “Honestly, I’ve been thinking about us.”
Bhai tum heater ho kya? Sirf sardi mein chalu hote ho?
Yeh log warmth ke saath-saath emotional availability bhi weather-dependent rakhte hain.
MOST LIKELY TO BE: Taurus, Pisces (Feelings slow-cooked, timing terrible.)
5. The Valentine’s Week Panic Caller
Feb 10 ke baad inki anxiety spike hoti hai. Feb 12 ko “accidentally” call. Feb 13 ko “Are you doing anything tomorrow?”
Inhe pyaar nahi chahiye. Inhe awkward questions se bachna chahiye.
Tum relationship nahi ho. Tum shield ho.
MOST LIKELY TO BE: Cancer, Libra (Saath chahiye, clarity nahi.)
6. The Perpetual Almost
Is insaan ke saath kuch bhi poora nahi hota. Almost dated. Almost serious. Almost over.
December mein yeh waapas aate hain kyunki thand mein “almost” bhi zyada lagta hai.
Commitment nahi denge. Confusion ka full package milega.
MOST LIKELY TO BE: Aquarius, Gemini (Detached, but somehow always present.)
Final Reality Check (Boing Waasi Truth)
Yeh log villains nahi hain, bas emotionally predictable hain.
December loneliness, shaadi pressure, year-end reflection aur Valentine’s capitalism milke sabko thoda weak bana dete hain. Kuch log journals mein meaning khojte hain. Kuch log exes mein.
Bas ek baat yaad rakho: Agar koi sirf sardi mein yaad aata hai, toh chances are woh pyaar nahi, sweater dhoondh raha hai.
Aur sweater ka kaam season khatam hote hi over ho jaata hai.
Hum judge nahi kar rahe. Hum bas pattern notice kar rahe hain. Same time next year? 😉
