DUNIYA kehti hai: "Healing is a private journey." Leo kehta hai: "Ghanta. Agar kisi ne dekha nahi ki main kitna strong hoon, toh faayda kya?"

Leo ke liye breakup koi tragedy nahi, ek rebranding opportunity hoti hai. Yeh kone mein baith ke rone waale log nahi hain. Yeh woh log hain jo rote hue bhi check karte hain ki lighting flattering hai ya nahi.

So this your Leo se inspired step-by-step guide to turning pain into content:

Step 1: The "Unki Kismat Kharaab Thi" Narrative

Leo kabhi reject nahi hota. Leo bas misunderstood hota hai. Agar ex ne ghost kiya, toh Leo yeh nahi maanega ki kami usmein thi.

Leo Logic: "Yaar, woh dial-up internet wala insaan tha, usko 5G ki speed doge toh router toh jalega hi na?"

Baaki log breakup ke baad khud se sawal karte hain. Leo breakup ke baad apne ex ke taste, upbringing, aur ancestors ko question karta hai. 

Step 2: Rona Baad Mein, Blow-Dry Pehle

Normal log breakup ke baad 3 din nahate nahi hain. Leo breakup ke 15 minute baad salon pe appointment book karta hai.

Aansoo abhi sookhe bhi nahi hain, par hair colour decide ho chuka hai. 

Imagine karo ek Leo salon ki kursi pe baitha hai, aankhon se nadi beh rahi hai, par hairstylist ko dhamki de raha hai: "Bhaiya, layer cut dhang se karna. Ex ko regret karwana hai, joker nahi banna."

Dukh apni jagah, par aesthetics ke saath samjhauta nahi.

Step 3: Operation "Dekh Main Kitna Khush Hoon"

Leo ex ko block nahi karta. Block woh karte hain jo darpok hote hain. Leo ex ko restrict karta hai…taaki ex dekh sake ki Leo kitne maze mein hai, par kabhi comment na kar sake.

The Strategy:

• Story 1: Gym selfie. (Caption: "Grind never stops 💪")

• Story 2: Party video doston ke saath. (Caption: "Best people, best vibes ❤️")

• Reality: Leo ne gym mein 5 minute exercise ki thi, aur party mein kone mein baith ke ex ka 'Last Seen' check kar rahe the.

Ex ka story view karna Leo ke liye attendance register check karne jaisa hai. "Aaya? Dekha? Jala? Good. Ab main chain se so sakta hoon."

Step 4: The Monologue (Welcome To My Talk: Betrayal Edition)

Leo doston ke saath "share" nahi karta. Leo doston ko perform karke dikhata hai. Agar aap Leo ke dost hain, toh aap dost nahi, aap audience hain.

Aapko popcorn leke baithna padega kyunki poora scene recreate kiya jayega. "Usne yeh bola, phir maine yeh bola, phir maine baal aise jhatke..."

Agar aapne beech mein token sympathy nahi di ("Haww", "Oh no", "Kitna rude hai woh"), toh Leo naraz ho jayega. Inhe salah nahi chahiye, inhe taaliyan chahiye. Inka dukh Digital Surround Sound mein nikalta hai.

Step 5: New Crush = Human Glucose

Leo "Alone Time" ki respect karta hai... exactly 12 minutes ke liye. Uske baad inki battery low ho jaati hai aur inhe validation chahiye.

Inhe naya boyfriend/girlfriend nahi chahiye. Inhe bas koi aisa chahiye jo inki photo like kare aur bole "Looking 🔥".

Leo ka dil toota hai, ego nahi. Ego abhi bhi bulletproof hai. Naya crush bas ek charging point hai. Jaise hi phone 100% hoga, Leo bolega "Who are you?" aur aage badh jayega.

Reality Check

Bhai, baat seedhi hai. Tumhare aur Leo ke breakup mein bas ek fark hai. Tum tragic hero bante ho, Leo tragedy ko content bana deta hai.

Tum heartbreak se nikal rahe ho? Good. Bas yaad rakhna: sher zakhmi hota hai toh shikaar karna nahi chhodta. Woh bas thoda zyada zor se dahaadta hai taaki jungle ko pata chale: "Main zinda hoon, aur abhi bhi main hi raja hoon."

Aur Leo, mere dost: tu nayi profile picture laga. Hum like karne ke liye taiyaar baithe hain.