2025 Women’s World Cup jeetne ke baad ek baat toh pakki ho gayi — India mein cricket sirf khela nahi jaata, jeeya jaata hai. Aur stadium ke andar, har zodiac ka apna matchday character hota hai — loud, loyal, ya logical? Toh chalo dekhein, aap kis team ke fan ho — literally aur emotionally. 

♈ Aries – “Seeti aur Taali Department”

Stadium mein inka energy level PowerPlay ke barabar hota hai — nonstop, high voltage.
Har boundary pe khade ho jaate hain jaise unhone khud six mara ho. Umpire galti kare toh inka volume level badh jaata hai aur kuch not-so-sweet shabd bhi muuh se “accidentaally” nikal jaate hain. Aries fans are basically cheer squad + thunderstorm ka combo.

♉ Taurus – “Snack Counter Specialist”

Inke liye match ka asli thrill food stalls ke aas-paas milta hai. Aadhe overs tak ye samose–chai ki jugalbandi mein busy rehte hain. “Score kya hua hai?” poochhna inka favourite phrase hai.
Lekin jab India jeet jaati hai, ye bhi khushi mein ek aur popcorn le aate hain, this one purely for celebration.

♊ Gemini – “Dual Screen Fan”

Ek aankh pitch pe, doosri fan chats pe. Yeh woh log hain jo stadium mein baithe-baithe live memes bana rahe hote hain. “Bro, did you SEE that? — har dusre second inka dialogue hota hai. Match ke saath-saath commentary aur chaos dono chalaate hain.

♋ Cancer – “Dil Se Deshbhakt”

National anthem ke time inki aankhon mein already tears ready hote hain. Ye har player ke struggle se emotionally jud jaate hain. Har win inke liye personal victory hoti hai. 2025 women’s world cup ke baad se toh inka screen saver bhi tricolour aur goosebumps mode pe chala gaya hai.

♌ Leo – “Main Bhi Influencer”

Leos match ke liye ek special outfit tayyaar karte hain jo inki team ke support ko aur latest fashion trends dono ko blend kar de. Poora stadium experience vlog karne ke liye inke paas phone camera, aur portable camera toh available hota hi hai saath saath 3 alag mics bhi. Just for backup. First over ke pehle hi ek boomerang ready hota hai — “#MatchMood 😎🏏” Cricket secondary hai, spotlight primary. Stadium mein ye hi sabse zyada camera-facing energy leke aate hain.

♍ Virgo – “Scorecard Analyst”

Har player ke previous records aur stats inke phone mein saved hote hain. Score kya hua hai iske saath saath inke paas required run rate or bowler ka economy rate ka bhi data hota hai. These guys are always thinking 2 balls ahead. Inse aapne koi casual question pooch liye like “haan but what’s the probability of a pigeon stopping play?” toh 99% chances are of you getting a death stare an !% chance of a laugh.

♎ Libra – “Support Karna Mushkil Hai”

Toss ke time ye confuse ho jaate hain — kis team ko cheer karun? Ek side batting kar rahi hai toh wahin clap, doosri bowling kare toh wahin cheer. Har decision balanced, har reaction diplomatic. Matlab team loyalty is one thing but supporting the stronger team is another. 

♏ Scorpio – “Silent But Intense”

Inka expression calm hota hai, par andar atomic energy level ka junoon chal raha hota hai. Ek misfield aur ye aankhon se curse bhej dete hain. Victory ke time bas ek smirk, par andar fireworks. 2025 ke final ke baad ye secretly happy-cry bhi kar rahe the — par admit nahi karenge.

♐ Sagittarius – “Stadium Explorer”

Ye woh fan hain jo har over ke baad kahin aur milte hain — kabhi t-shirt stand, kabhi selfie zone. Match inke liye experience hai, itinerary nahi. For some reason inko stadium ke emergency exits, north-south-east-west stands ke gate aur kaunsa cleanest washroom hai yeh sab pata hota hai. But jab match ekdum nail bitingly intense moment pe ho toh yeh bilkul boundary barricade ke paas apni team ke liye cheer karte huye milenge

♑ Capricorn – “Coach Mode ON”

Ye match dekhne nahi, analyze karne aate hain. “Strategy wrong thi, fielding better ho sakti thi” — inke dialogues commentary box se zyada professional lagte hain. Har decision pe inka face serious hota hai, jaise BCCI meeting chal rahi ho. Discipline aur disappointment, ek-ek pocket mein dono saath lekar aate hain.

♒ Aquarius – “Trend Breaker Fan”

Jab sab “India! India!” chilla rahe hote hain, ye quietly notebook nikaal ke likh rahe hote hain — “Cricket is a metaphor for collective consciousness.” Inka support silent hota hai, par philosophical depth ke saath. When their team wins they put the most though out, poetic and sometimes moving posts on their social media. In some lucky cases their blogs might even get picked up by an editorial page and they might become a minor celebrity in their fandom.

♓ Pisces – “Hope Factory”

Last over mein bhi kehte hain — “Miracle hoga, bas dekhte jao.” Ye emotional backbone hote hain har cricket fan group ke. 2025 ke final ke baad inhone hope ko permanent hobby bana liya hai. Pisces fans believe till the last ball — aur tab tak popcorn khatam ho jaata hai.

About Author

Abbas Momin is a stand up comedian, writer, and podcaster. He has written columns for The Indian Express, Rolling Stone India and GQ India. Abbas has also hosted a film podcast called 'Has It Aged Well?' and does regular appearances on Cyrus Broacha's show 'Cyrus Says'. He has acted in the film 'Ghoomer' and the web series 'Very Parivarik'.